GARA7TNE
27-11-2007, 07:16 PM
في صباح يومن باكر...وعلى اصوات وصرخات العصافير وهي تحاول ان تزقزق بكل ماؤتيت به من قوه..====ماكلين رمّان قبل النوم وجاهم امساك
وبينما اشعّة الشمس الذهبيه تدغدغ اغصان الشجر===صورة شجره ماسكه جذورها وقاعده تركض وتوزّت ورى بيتنا وهي ميته ضحك
وبينما انا متوسدتن مخدتي..وماغير يطلع من خشمي حرف (Z) ..وحاطه وجهي على نظام شاشة التوقّف ..دخلت امّي الحبيبه الحنونه الرقيقه وبيدها وردتن زرقاء جميله ناعمه مخمليه ورمتها على سريري بكل رقه واريحيه==اشوا انها نعال زنّوبه حاولت تصكّها بجبهتس لكن ماالله اراد
فجاءت امي كي تشيل الورده الزرقاء ذات المقاس الثلاثه واربعون وتضرب بها ضربات خفيفه على وجه ابنتها وحشاشة جلابيتها كي تصحّيها من هذا السبات العميق===صورة وحده لاجت تنام تلبس زعانف ونظاره وتحط وراها اكسجين==طراه سبات عميق
..ولكن ماأن لامَسَت وجهي حتى فتِحتُ عيناي وطلع مني نفس الصوت اللي يطلع اوّل مانفتح اللاب توب ..وعلى كتفي الايمن طلع مربع صغير مكتوب فيه ((التحديثات جاهزه اضغط هنا لتحميل هذه التحديثات))
وفوق حاجبي الايسر شامه صغيره على شكل شعار ويندوز فيستا
فقالت امي: قومي قامت عليتس ناقه وهبدتس بالارض يالتسلبه
انا: لاحول ولاقوة الا بالله..بدينا بالغلط..يمه لو سمحتي لاتجبريني ازعل منتس===صورتي وانا متغطيه باللحاف وماغير اطلطل عليها من تحت واصرقع اصابع رجليني
امي: لا لا مقدر انا..تكفين..اكسكيوزمي..يرحم امتس لاتزعلين..تراني من بعدتس اموت..ابشق هدومي واحط اسمتس على صدري..لاتتركيني ياحوبي...لاتتركيني ياأملي الوحيد..لاتتركيني يامهجة فؤادي
انا: اقول يمه تراتس تحرجينن تسذا..خلاص منيب زعلانه عليتس..يلاّ من قدّتس
امي: اقول تلايطي لااجي انا اللي اتوطى في بطنتس الحين مهوب الناقه
انا: خخخخخخخ تصدقين يمه تو ادري ان بوه فرق بينتس وبين الناقه..دايم لاطريتيها على بالي تقصدين نفستس
امي: وش عندها ظلال توشيبا بدت تذب ...اقول قومي بس الحمد لله والشكر الناس اول مايقعدون من النوم يغسلون وجيههم الا انتي اذا قمتي تسوين لوجهتس فورمات..
انا:هاهاها خلاص يمه صدز درينا انتس خفية دم ..وخري بقوم البس واغيّر خلفيتي واحدّث نفسي واحمّل اصداري الجديد..اليوم بيجوني ضيوف من قوقل
امي:لا ضيوف ولامايحزنون..اليوم حجزنا لتس عند الدكتور بنشوف لتس صرفه مع ادمان النت والكمبيوتر هاللي صك براستس..لعنبوتس حتى لاجيت اكلّمتس لازم اركّب المايك؟؟ مايصير تسذا..انتي لازم تش.........
..............
............
=====صكّيتها بلوك
قمت من سريري وانا جوعانه مره..ومن شدة الجوع مرسوم على وجهي من تحت اكس احمر ..رحت وجبت لي صحن بطاريه وشحنت نفسي...بعدها نزلت الصاله واوّل ماشافني ابوي ومد يده وسلم علي طلع مني صوت صرخه زي اللي تطلع اذا دخل الجهاز فايرس===منتيب عاقله اجل محمّله برنامج آنتي فايروس بعد
يومي دريت انه ابوي سويت له سكيب..قال لي يابنتي انتي ل متى وانتي على هالحال؟ لي متى وانتي عايشه على انتس لاب توب؟ ليمتى وكل ماحاولنا نكلّمتس سويتيلنا بلوك ودليت؟
انا: يبه..لازم تعيش الواقع...انا خلاص هذي حياتي..لازم تتأقلم معي..ياخي اعتبر نفسك مايك والا سماعات والا اي شئ حتى لو تظطر تصير فاره عشاني ياخي ===انشاء الله عمره ماتأقلم معتس ياحيوانه
ابوي: انا اقترح عليتس اصير سلك والا واير عشان امحطتس على ظهرتس ياتبن لين تعرفين ان الله حق ...صدز انتس وقحه..انا ابوتس تبيني اصير فاره لعيونتس؟
انا: المشكله يايبه الكلام فاضي معاكم..انا برمجت حياتي على انّي لاب توب ومستحيل اتغيّر مهما طال الزمن
ابوي: لعنبوتس انتي بنتي انتي؟؟ مااصدق..انتي جايبينتس من مكتبة جرير مهوب من رحم امتس...
انا: والله انت ادرى من وين انا جايه
ابوي: صدز قلة ادب..
انا:خلاص يبه يرحم امك تراك رفعت ضغطي===صورتي وانا ضاغطه على خشمي وادوّر برنامج فك الضغط
ابوي: يابنتي ياحبيبتي...ليه ماتجين معي الحين ونروح عند الدكتور ونشوف لتس صرفه..فكري في مستقبلتس..شلون بكره لااعرستي...وشلون بتقضون مع بعض ليلة الدخله..وكل ماحاول يقرب لمتس ينقلب لون وجهتس اخضر وتطلع له صفحه مكتوب فيها عفوا الموقع المطلوب غير متاح اذا كنت ترى ان هذه الصفحه ينبغي ان لاتحجب تفضل بالضغط هنا
انا:عاد يجيب الله مطر ..ذيك الساعه لاجيت اعرس بخليك تشتري له برنامج كسر البروكسي..وخلّه يدخل ويحوس على راحته
ابوي:ترى يابنتي بوه واحد تقدّم لتس وطلب يدتس مني..عشان تسذا انا قلت ناخذتس عالدكتور قبل همن نقول لهم يجون يتقدّمون لتس رسمي
انا:قل قسم؟ وراه ماقلت من زمان يالخااااااااااالع ===طيّحت الميانه مع ابوها
ابوي: طلّعي لي زقاره بعد وادعسيها بوجهي ليش مستحيه؟..عيب عيب انتي انثى..===طبعا اوّل ماقال هالكلمه قمت اتلفّت يمين ويسار والغريبه مابوه احد بالغرفه الا انا
قال انثى قال..تكرمون يااخواتي المستمعات
انا: طيب يبه وشسمه..خله يجي اليوم واذا ماعجبته وانا تسذا اوعدك اروح الدكتور واسنّع عمري..كل شئ يهون لجل ابو عيالي===ياحبني للعيال وطريقة تكوينهم
ابوي: طيب خلاص بنعطيهم موعد بعد يومين يجون ويشوفونتس اذا تصلحين والا===قطع غيار منيب انسانه تب تعرس
====صورة ابو وفى ماسك لوحه مكتوب عليها ((ودارت الايام))
جا اليوم الموعود...واوّل ماقمت من النوم ضغطت على اذوني ادوّر على برنامج الفوتوشوب..بقص شوي من شعري واصبغه واحط لي ميك اب وتسذا ...ويومي خلصت نسيت وحطيت لي ايطار وكتبت توقيعي على براطمي
المهم..
لبست خلفيه جديده ونزلت الصاله انتظر ابوي يناديني عشان يشوفني عريس الغفله..واثناء ماكنت فاتحه وجهي على لعبة كانسة الالغام اضيّع وقت ,,حسيت بواحد جلس جنبي وعطاني اشارة تنبيه ..واوّل ماشفته وانا اللي اخق وتطلع على ملامحي كلمة ايرور ..وتضيع علومي ورياضياتي وحديثي وكيميائي وكلّبو موّادي===يامصلتس مصلاه
شبك المايك وضغط على اف تسعه وبدا يتكلم ..حسيت انه فاهمني ويتعامل معي كنه يعرفني من زمان ..قلت له وش تشتغل ...قال لي انا خبير كمبيوتر وعندي مواقع ومنتديات وتخصصي لاب توبات..بدينا نتكلم مع بعض ونسولف مع بعض وفتح لي قلبه وفتحت له كل مجلّداتي ومستنداتي وارتحت له وارتاح لي ..واتفقنا عالزواج وتزوّجنا
GARA7TNE
وبينما اشعّة الشمس الذهبيه تدغدغ اغصان الشجر===صورة شجره ماسكه جذورها وقاعده تركض وتوزّت ورى بيتنا وهي ميته ضحك
وبينما انا متوسدتن مخدتي..وماغير يطلع من خشمي حرف (Z) ..وحاطه وجهي على نظام شاشة التوقّف ..دخلت امّي الحبيبه الحنونه الرقيقه وبيدها وردتن زرقاء جميله ناعمه مخمليه ورمتها على سريري بكل رقه واريحيه==اشوا انها نعال زنّوبه حاولت تصكّها بجبهتس لكن ماالله اراد
فجاءت امي كي تشيل الورده الزرقاء ذات المقاس الثلاثه واربعون وتضرب بها ضربات خفيفه على وجه ابنتها وحشاشة جلابيتها كي تصحّيها من هذا السبات العميق===صورة وحده لاجت تنام تلبس زعانف ونظاره وتحط وراها اكسجين==طراه سبات عميق
..ولكن ماأن لامَسَت وجهي حتى فتِحتُ عيناي وطلع مني نفس الصوت اللي يطلع اوّل مانفتح اللاب توب ..وعلى كتفي الايمن طلع مربع صغير مكتوب فيه ((التحديثات جاهزه اضغط هنا لتحميل هذه التحديثات))
وفوق حاجبي الايسر شامه صغيره على شكل شعار ويندوز فيستا
فقالت امي: قومي قامت عليتس ناقه وهبدتس بالارض يالتسلبه
انا: لاحول ولاقوة الا بالله..بدينا بالغلط..يمه لو سمحتي لاتجبريني ازعل منتس===صورتي وانا متغطيه باللحاف وماغير اطلطل عليها من تحت واصرقع اصابع رجليني
امي: لا لا مقدر انا..تكفين..اكسكيوزمي..يرحم امتس لاتزعلين..تراني من بعدتس اموت..ابشق هدومي واحط اسمتس على صدري..لاتتركيني ياحوبي...لاتتركيني ياأملي الوحيد..لاتتركيني يامهجة فؤادي
انا: اقول يمه تراتس تحرجينن تسذا..خلاص منيب زعلانه عليتس..يلاّ من قدّتس
امي: اقول تلايطي لااجي انا اللي اتوطى في بطنتس الحين مهوب الناقه
انا: خخخخخخخ تصدقين يمه تو ادري ان بوه فرق بينتس وبين الناقه..دايم لاطريتيها على بالي تقصدين نفستس
امي: وش عندها ظلال توشيبا بدت تذب ...اقول قومي بس الحمد لله والشكر الناس اول مايقعدون من النوم يغسلون وجيههم الا انتي اذا قمتي تسوين لوجهتس فورمات..
انا:هاهاها خلاص يمه صدز درينا انتس خفية دم ..وخري بقوم البس واغيّر خلفيتي واحدّث نفسي واحمّل اصداري الجديد..اليوم بيجوني ضيوف من قوقل
امي:لا ضيوف ولامايحزنون..اليوم حجزنا لتس عند الدكتور بنشوف لتس صرفه مع ادمان النت والكمبيوتر هاللي صك براستس..لعنبوتس حتى لاجيت اكلّمتس لازم اركّب المايك؟؟ مايصير تسذا..انتي لازم تش.........
..............
............
=====صكّيتها بلوك
قمت من سريري وانا جوعانه مره..ومن شدة الجوع مرسوم على وجهي من تحت اكس احمر ..رحت وجبت لي صحن بطاريه وشحنت نفسي...بعدها نزلت الصاله واوّل ماشافني ابوي ومد يده وسلم علي طلع مني صوت صرخه زي اللي تطلع اذا دخل الجهاز فايرس===منتيب عاقله اجل محمّله برنامج آنتي فايروس بعد
يومي دريت انه ابوي سويت له سكيب..قال لي يابنتي انتي ل متى وانتي على هالحال؟ لي متى وانتي عايشه على انتس لاب توب؟ ليمتى وكل ماحاولنا نكلّمتس سويتيلنا بلوك ودليت؟
انا: يبه..لازم تعيش الواقع...انا خلاص هذي حياتي..لازم تتأقلم معي..ياخي اعتبر نفسك مايك والا سماعات والا اي شئ حتى لو تظطر تصير فاره عشاني ياخي ===انشاء الله عمره ماتأقلم معتس ياحيوانه
ابوي: انا اقترح عليتس اصير سلك والا واير عشان امحطتس على ظهرتس ياتبن لين تعرفين ان الله حق ...صدز انتس وقحه..انا ابوتس تبيني اصير فاره لعيونتس؟
انا: المشكله يايبه الكلام فاضي معاكم..انا برمجت حياتي على انّي لاب توب ومستحيل اتغيّر مهما طال الزمن
ابوي: لعنبوتس انتي بنتي انتي؟؟ مااصدق..انتي جايبينتس من مكتبة جرير مهوب من رحم امتس...
انا: والله انت ادرى من وين انا جايه
ابوي: صدز قلة ادب..
انا:خلاص يبه يرحم امك تراك رفعت ضغطي===صورتي وانا ضاغطه على خشمي وادوّر برنامج فك الضغط
ابوي: يابنتي ياحبيبتي...ليه ماتجين معي الحين ونروح عند الدكتور ونشوف لتس صرفه..فكري في مستقبلتس..شلون بكره لااعرستي...وشلون بتقضون مع بعض ليلة الدخله..وكل ماحاول يقرب لمتس ينقلب لون وجهتس اخضر وتطلع له صفحه مكتوب فيها عفوا الموقع المطلوب غير متاح اذا كنت ترى ان هذه الصفحه ينبغي ان لاتحجب تفضل بالضغط هنا
انا:عاد يجيب الله مطر ..ذيك الساعه لاجيت اعرس بخليك تشتري له برنامج كسر البروكسي..وخلّه يدخل ويحوس على راحته
ابوي:ترى يابنتي بوه واحد تقدّم لتس وطلب يدتس مني..عشان تسذا انا قلت ناخذتس عالدكتور قبل همن نقول لهم يجون يتقدّمون لتس رسمي
انا:قل قسم؟ وراه ماقلت من زمان يالخااااااااااالع ===طيّحت الميانه مع ابوها
ابوي: طلّعي لي زقاره بعد وادعسيها بوجهي ليش مستحيه؟..عيب عيب انتي انثى..===طبعا اوّل ماقال هالكلمه قمت اتلفّت يمين ويسار والغريبه مابوه احد بالغرفه الا انا
قال انثى قال..تكرمون يااخواتي المستمعات
انا: طيب يبه وشسمه..خله يجي اليوم واذا ماعجبته وانا تسذا اوعدك اروح الدكتور واسنّع عمري..كل شئ يهون لجل ابو عيالي===ياحبني للعيال وطريقة تكوينهم
ابوي: طيب خلاص بنعطيهم موعد بعد يومين يجون ويشوفونتس اذا تصلحين والا===قطع غيار منيب انسانه تب تعرس
====صورة ابو وفى ماسك لوحه مكتوب عليها ((ودارت الايام))
جا اليوم الموعود...واوّل ماقمت من النوم ضغطت على اذوني ادوّر على برنامج الفوتوشوب..بقص شوي من شعري واصبغه واحط لي ميك اب وتسذا ...ويومي خلصت نسيت وحطيت لي ايطار وكتبت توقيعي على براطمي
المهم..
لبست خلفيه جديده ونزلت الصاله انتظر ابوي يناديني عشان يشوفني عريس الغفله..واثناء ماكنت فاتحه وجهي على لعبة كانسة الالغام اضيّع وقت ,,حسيت بواحد جلس جنبي وعطاني اشارة تنبيه ..واوّل ماشفته وانا اللي اخق وتطلع على ملامحي كلمة ايرور ..وتضيع علومي ورياضياتي وحديثي وكيميائي وكلّبو موّادي===يامصلتس مصلاه
شبك المايك وضغط على اف تسعه وبدا يتكلم ..حسيت انه فاهمني ويتعامل معي كنه يعرفني من زمان ..قلت له وش تشتغل ...قال لي انا خبير كمبيوتر وعندي مواقع ومنتديات وتخصصي لاب توبات..بدينا نتكلم مع بعض ونسولف مع بعض وفتح لي قلبه وفتحت له كل مجلّداتي ومستنداتي وارتحت له وارتاح لي ..واتفقنا عالزواج وتزوّجنا
GARA7TNE