الله يرحم حالها

[العز رمشي والكرامه عيوني]

بسم الله الرحمن الرحيم ..

ربّي ان ( روآن الفضيلي ) نزلت بك .. و انت خير منزول به .. و أصبحت فقيرة الى رحمتك .. و أنت غنيّ عن عذابها .. آتها برحمتك رضاك ..!!

بما انك فتحت الايميل .. فأتمنى ما تقفله الا عند آخر حرف ..

عادة .. لما أكتب ايميل أو أي موضوع .. أعتذر عن ركاكة أسلوبي ..

لكني هالمره ما راح أعتذر ..

لأن الناس الي قضيت عمري كله أهتم لمشاعرهم .. و أحرص على اني ما أجرحهم ..

كلوا لحم أختي – في الله - .. و ما حشموا ترابها الي للحين ما نشف !!

ماتت روان فجر يوم الأحد الماضي .. ماتت و ما درت انها تركت وراها ناس مكسوره و حزينه على فراقها .. و ناس ( أو مع احترامي أشباه ناس ) يغتابونها و يشوهون سمعتها ..

ناس ما عرفوا حرمة الميّت .. ناس ذممهم وسيعه .. ناس للأسف ما يخافون الله ..

ناس ألسنتهم تلوك و تلوك .. و تتكلم بكلام ماله أساس من الصحه .. و عند نهاية المجلس ..

تقول ( الله يستر عليها .. اللهم لا شمات )

لا ستر الله عليهم في الدنيا و لا في الآخره ..

ماتت روان ..

ولمن تهمّه القشور .. و يبحث عن القصص .. و الجديد .. راح أكتب القصه ..

القصه الي احنا نعرفها .. مثل ما نعرف بنتنا روان !!

روان طلعت مع أخوها في السياره ..

و في أحد الطرق العامّه .. قضى الله على سيارتهم أن تصدم في عمود الاناره ..

و صارت الضربه القويه على جانب روان ..

و هي في نزعها الأخير ..

طلع أخوها من السياره .. عشان يكلم أهله ..

و لمّا رجع .. لقى مجتمعنا الراقي .. مجتمع حولها ليحكم من النظره الأولى .. يشمت .. و يتبلّى ..

و يألّف قصه جديده في راسه .. عشان يرجع البيت و يحكيها لأهله ..

كثر الكلام عنها ..

كثر الهرج و المرج ..

قالوا أنها كانت تسوق السياره لحالها و في سرعة جنونيه ..

و احنا أعرف في بنتنا منهم .. و نعرف أن روان أصلا ما تعرف تسوق السياره بالدرجه الي تمكنها من أنها تطلع في طريق عام .. و بسرعه جنونيه بعد !!

قالوا انها علمانيه .. و منفتحه ..!!

حكموا عليها .. و نسوا ان الله أعلم بالنيّات ..

نسوا ان الي أخذ روان بالهوقت .. قادر على أنه ياخذ بنتهم و يفضحها !

مؤسف الكلام الي سمعناه أيّام العزاء ..

ناس ما احترمت أهلها الي قلوبهم مكسوره على بنتهم ..

و وصلت فيهم الوقاحه أنهم يتكلمون عنها قدامهم !!

روان انظلمت كثير ..

و حسبي الله و نعم الوكيل على من ظلمها ..

طلع واحد بأحد القنوات الفضائيه ..

بقول انه يعرف روان ..

و أنها كانت منحاشه من بيت أهلها ( منحاشه = هربانه )

يا ويله ..

تبلّى عليها ..

..

و وحده تقول اننا نقول هالكلام عشان نغطّي ع الفضيحه !!

أي فضيحه ؟!

من متى صرنا نعرف الناس أكثر من أهلهم ..

..

نسوا حرمة الميّت ..

و نسوا أنهم شهداء الله في أرضه ...

ع الأقل ..

لو انت مقتنع أنها كانت على سوء ..

امسك لسانك ..

( و هل يكبّ الناس على وجوههم الا حصائد ألسنتهم )

بعيد عن كلام أهلها .. و بعيد عن الي صار ..

هذا كلامي أنا دانه ..

يعني لو وحده بالكويت ماتت بحادث .. طلع عنها هالكلام ؟!

لو بنتك انت يالي تكلمت .. بهالعطله ساقت و ماتت ..

بتقول انها علمانيه ؟!

مجتمع راقي ..

و أحسده على هالرقيّ ..

ما تزيدون الا ........!!

و الله اني قاعده أحاول قد ما أقدر يكون كلامي راقي .. و ما أتلفظ بألفاظ تسيء لأي أحد ..

لكن ناس مثلهم يستاهلون الرقي و الاحترام ؟!

و الله دنيا رديّه .. و ناس أردى ..

بدل ما يعزّون أبوها ..

تكلّموا عنه ..

قالوا انه ديوث ..!!

و والله ان ( ماجد الفضيلي ) أحسن منك مليون مره يالي ما تتورّع عن أعراض الناس ..

حسبي الله و نعم الوكيل ..

هذا تعليق واحد بأحد المنتديات :



الله يرحمها

لكن كلام أبوها خرط فاضي

قال ايه قال ماتعرف القيادة!!!!!

لو الشرطة والاسعاف والناس لاقين معها أخوها كان قالوا !!!

والا تبي تقول ان كل من باشر الحادث ماعندهم سالفة بس انت اللي عندك السالفة

بنتك هي اللي تسوق وانت تدري بهذا الشيء ومادام انك مستحي من الناس

ليش تعلمها السواقة بدليل انك تقول انها تدور بالبيت والاشياء البسيطة

قال ايه قال ماتعرف تسوق؟؟ يافشيلك عند الله وخلقه !!!!

كلامك خراط ومهايط وتقرير الشرطة والمستشفى اوضح من عين الشمس

اللهم لاشماتة



يا سبحان الله ..

لا انت الي تعرف السالفه ..

و انت الي ما تخربط ..

و يا سخافة عقلك ..


..

أنا ماني حقوده .. و ماني قاسيه ..

لكن هم القاسين ..!!

لو فكروا لحظه بس ان روان ممكن تكون بنتهم ..

و الله ما تكلموا ..

على فكره ..

في السياره ..

روان لقّنوها الشهاده ..

و تشهّدت ..

لكنها ما ماتت الا في المستشفى ..

طيب ليه هذا الكلام ما نتشر ؟!

و الا لأن فيه الخير ؟!

للأسف ..

ناس مريضه ..

تدوّر الكلام السيئ عشان تتناقله ..

و والله ما قهرني الا أهل الدين الي تكلموا فيها ..

و الله ان الدين منهم براء ..

هذا الي أخذوه من القرآن و من الدين ؟!

اساءة ظن .. و غيبه ..

اللهم اجعل دينهم حجة عليهم و افضحهم يارب ..

بعد هالكلام هذا ..

اذا انت ( ....) و ما زلت مقتنع بكلام الجرايد ..

فما أقول غير ..

ربي يعطيك العقل ..
أختم بالدعاء لروان ..

اللهم يا حنان يامنان يا واســـع الغفران أغفــر لها وارحمها وعافها واعف عنها واكرم نزلها ووسع مدخلها وأغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس.

اللهم أسألك بكل اسم سميت به نفسك ، إن كانت مقصرة في عباداتها فأعفو عنها برحمتك وتجاوز عنها وتحمل عنها يا أرحم الراحمين فانك يارحمن فى غنى عن هذا العبادات ، ولكنها فى امس الحاجه لرحمتك وعفوك لأنها لا تجد من يرحمها غيرك يا الله

اللهم : أبدلها دارا خيرا من دارها و أهلا خيرا من أهلها وزوجا خيرا من زوجها وولدا خيرا من ولدها وجارا خيرا من جارها ، وادخلها الجنة و أعذها من عذاب القبر وفتنته ومن عذاب النار
اللهم : عاملها بما أنت أهله ولا تعاملها بما هي أهله.
اللهم : اجزها عن الإحسان إحسانا وعن الإساءة عفوا وغفرانا.
اللهم : إن كانت محسنة فزد في حسناتها وان كانت مسيئة فتجاوز عنها يارب العالمين
اللهم : ادخلها الجنة من غير مناقشه حساب ولا سابقه عذاب
اللهم : انسها في وحدتها وانسها في وحشتها وانسها في غربتها .
اللهم : أنزلها منزلا مباركا وأنت خير المنزلين ..

لا تنسى أن من ذبّ عن عرض أخيه المسلم ذبّ الله عنه النار يوم القيامه ..

انشرها ..

لأنك حتى لو ماكنت تعرف روان ..

فــ فيه الملايين من من يتكلم عنها و يسيء لها ..

و لا تنسَ ان روان اختك المسلمه ..

شهدت أن لا اله الا الله و ان محمد رسول الله ..!

والله أعلم ...


منقول من ايميلي

[ومض الحنان]

العز رمشي والكرامه عيوني

الناس يتكلمون عن نفسهم بأنهم راقين وراقين


وهم في الحقيقه مايدرون وش معنى الرقي

بس يارب لك الحمد المفروض مانتكلم عن شيء ماندري وش صحته

نتكرم بالسكوت أحسن لنا



الله لايحرمنا منك طرح رائع

..

[العز رمشي والكرامه عيوني]

ومض من جد كلامك صحيح

ما يخلون احد بحاله

الله يرحم حال المسكينه الي الكل طعن بشرفها

ويعطيك العافيه ع المرور

[وردهـا جوري]

حسبي الله عليـهم

والله يرحمها يارب

تسلمين حبيبتي العز

لاعدمنا مواضيعك

[ــ( انسانـ حطمـنيـ طموحيـ )ــ]

مشكوره اختي على التوضيح
والناس ماهمها الى نقل الكلام السيء اما الكلام الي فيه خير قليل الي ينقلونه
ما احد من الناس ذولي سأل نفسه مره ليه انقل الكلام الشين
بكل بساطه لانه سفله ولا يسوى االتااليه من الغنم
والله شي يرفع الظغط الله لا يوفقهم لا دنيا ولا اخره
وفي الختام احب اختم بادعاء لاختي روان
((اللهم ياقوي ياعزيز يا رحيم ارحم اختنا روان وادخلها فسيح جناتك يا ذا الجلال والاكرام))

[حـُلـُمـْ .. ـفـَراشَة]

الله يرحمها سواءا هي من تسوق او اخوها

الميت له منا الدعاء بالرحمة والمغفرة

الناس مالها الا الظاهر


لا حول ولا قوة الابالله

اللهم استرنا في الدنيا والاخرة

[TNT]

لاحول ولا قوه والله ما ندري مره يقلون انها تسق والعالم يحد حدونها ومره ومره انواع الكلام لاكن
ما نقول الا الله يرحمها وجعلها بجنات الفردوس يا رب ويستر بنات المسلمين ويرحمنا يا رب نحن الضعفاء وانت القوي يا رب العالمين
شاكر لك اختي جزيل الشكر وانا اقول الي يتكلم على كيفه ترى ربي يبلاه والله يمهل ولا يهمل شا كر اختي لك :112:

[العز رمشي والكرامه عيوني]

جوري
انسان
حلم
tnt

اسعدني مروركم

[خيالے..}]

الله يرحم البنت .. ويستر علينا وعلى بنات المسلمين
وبصراحه .. قضية الاشاعات هذي قضيه كبيره
ياما راحت فيها سمعات ..وتهدمت فيها بيوت
ياليت اللي يسوي كذا يتقي ربه
الدنيا بتدور وكل اللي كذب فيه على خلق الله وكل من تكلم بسوء عنها الله بيحاسبه
كل ماذكرتيه يدمي القلب
رحمه الله عليها وحسبي الله من يجيب سيرتها بسوء
العز رمشي
وربي يحفظك يالغلآ
شكراً لكـِ

[عِيونڪ سمَاےٍ]

آلله يـرحمهـآ ويدخلهـآ آلجنهـ :13:
يـ ع ـطيكـ آلـ ع ـآفيه يآلـ غ ـلآ :25:

[الـحـب يـستاهلـكـ]

حقهاا علينا ان ندعي لها بالرحمه والمغفره

الله يرحمها ويغفر لها ويصبر اهلها


دوووومتي

[الـحـب يـستاهلـكـ]

حقهاا علينا ان ندعي لها بالرحمه والمغفره

الله يرحمها ويغفر لها ويصبر اهلها


دوووومتي